شفتها يا سعود صدفه

عند قسم المختبر وسط مشفـى الجامعـه



جيتها ثم قلت ممكن في سؤالي تسمحيـن



ناظرت فيني بدهشـه نظـره متواضعـه



قالت انته تحسبني من البنـات الصايعيـن



تحسبني في زماني عن طريقـي ضايعـه



قلت انا مـاراح اطـول كلبوهـا كلمتيـن



وابعدت عني شويـه ثـم جتنـي راجعـه



قالت اسال واضح انك من رجـال طيبيـن



بس هرجك يالسنافي كان وشهـو دافعـه



قلت انا حبيت وحده يـوم كنـا صغيريـن



ومن ثمان اسنين راحت للمواصل قاطعـه



عقبهـا ماذقـت نـوم يهتنيـه النايميـن



ساهر في طول ليلي لين شمسـي طالعـه



اذكر انه فيه حبه فوق ثغره مـن يميـن



واذكر انه لاجرينـا كـن شعـره تابعـه



واذكر انـه عاشـق فالـورد الياسميـن



صار قلبي بالورود اللي عشقهـا زارعـه



طابعا اسمه بقلبي فيه سين وفيـه عيـن



وفيه الف وفيه دال وسـط قلبـي طابعـه



قاطعتني بقولهـا سبحـان رب العالميـن



كررتها مره و مرتيـن وثالثـه ورابعـه



قلت وشفيـك وشبـلاك يابنيـه ترجفيـن



ليش عينك يابنيـه مـن كلامـي دامعـه



قالت الموقف وقلبي والمحبـه والحنيـن



كيف اشوفك بعـد ماكنـت عنـك قانعـه



قلت انا بسألـك انكانـك انتـي تذكريـن



عن مواثيق ثمنهـا مـن حياتـي دافعـه



قالت ظروف الزمان ماتطيـع العاشقيـن



بيعوني غصب حبك لو انـا مانـي بايعـه



انا في دنياي حالي كنهـا حـال السجيـن



حتى لو فكوا سراحه فيـه شـي مانعـه



زوجوني غصب واحد وحرموني حاجتيـن



السعاده فـي زمانـي والحيـاه الرائعـه



والحين انا ام لثلاثه عندي ريم وياسميـن



والولد ا سمه على اسمك والمشاعر جايعه





الشاعر مجهول